ارجوكم ساعدونى

ارجوكم يا اخواتى ساعدونى انا باتعذب وما باعرف اعمل ايه
مشكلتى انى حبيت شخص لدرجة الثمالة وهو عارف وحاسس بيا ولكن بدون جدوى زى ما يكون باكلم حجر صوان مع انى باهتم بيه وبكل امورة واذا وجدت شىء ناقص عنده اكملة ومع ذلك كل تفكيرة اننا اصحاب انا خايفه اكون بتفكيري ده باعمل شىء يغضب ربنا وفى نفس الوقت مش قادرة ابعد عنه وباختلق اى شىء يخلينى اشوفه او اكلمه ولما باتصل بيه بيتجاهل اتصالى وما يرد ولا على اتصالى ولا حتى رسائلى ساعات من كتر قسوته احس انى باكرهه جدا لكن ارجع تانى واحن ليه بنبعد عن بعض بالسنه واكتر ولما باشوفة لاى ظروف الاقينى زى ما انا وهو زى ما هو ما بيتغير يمكن عشان هو متحمل مسئوله اخواته ولا هى دى شخصيته ما باعرف انا تعبت حاولت اشغل نفسى باى حد تانى او حتى الدراسه لكن مافيش فايدة فيا انا باموت وتبعت ارجوكم ساعدونى انا صح ولا غلط ماليش اصحاب ولاحد اشكى له

هو بيعاملك كدة لسببين الاول انه عارف انك بتحبيه والراجل اول ما يحس انه محبوب بينفض والسبب التانى انه مش بيحبك اصلا فيا ريت تتجاهليه خالص اكنه مش موجود لان صعب عليكى جدا انه يحبك علشان انتى بتحبيه بس يعنى هيكون حب شفقة ليس اكتر وانتى مش هتستحملى كدة رايى الشخصى انك تتجاهليه من جواكى يعنى متضحكيش على نفسك غلشان هو يحس انك بتعملى كدة بس علشان تغيظيه و لو دورتى كويس هتلاقى ناس بتحبك يردو وانتى مش عارفة فلازم تتطلعى الانسان ده من دماغك علشان تقدرى تشوفى اللى بيحبك بجد ومعلش طولت عليكى

الف شكر على ذوقك وكرم اخلاقك ما تعرف انا سعيده اد ايه اشكرك بس الموضوع ده صاير له اربع سنوات ومن اول ما اتقابلنا انا استخرت الله فى هذا الانسان وربنا سبحانه وتعالى ورانى خير اكتر من مرة بس ما باعرف ايه سبب اللى احنا فيه ده وجايز صلاتى واللى انا شوفته هو اللى خلانى اتعلق بيه لهذه الدرجه لانى ما كنت باقبلة ابدا بس لما صليت حسيت انها اراده الله وانه ممكن يكون الحكايه مساله وقت بس بجد تعبت يا محمد خايفه اكون عايشه فى وهم

رأي انك متديش كل حاجه اكبر من حجمها

انتي شايفه انه بيتجاهلك ومش مهتم بيكي .. يبقي ليه تجرحي نفسك بأيدك !!!

بيقولك محمد فوزي ال يهواه نهواه وال ينساه انساه ياقلبي

اطلقي العنان لنفسك

الانوثه في عزت نفسها وكبريائها وبلاش تضعفي ولا تعطي مشاعرك لانسان مش محتاجها

ابعدي وعامليه علي اد معاملته ومتجيش علي نفسك اكتر من كده

اشكركم جميعا الف شكر فعلا عندكم حق فى كل اللى قولتوه بس انا دلوقت حاسه بالمهانه وانى هونت نفسى لما كلمته تانى ومضايقه اوى من نفسى حاسه انى مخلوق رخيص فى نظر نفسى ربنا يصبرنى وبقدرنى اشكركم الف شكر

اشكركم الف شكر فعلا لقيت اخوات بيخافو عليا ادعو لى ربنا ينصرنى عليه وعلى نفسى

بوصى انا راي انك تسبيه لحلو وى لو هوا عوزك اكيد هايكلمك وفى ناس كتير هاتعجبى بيهم وهيعجبو بيكى بس انتى شيليه من دماغك لانى شكلو ياما بيحب حاد تانى علشان كدا هو مابيعبركيش وسبيه ولو ليكى خير فيه هيحبك فى يوم من الايام